Çmendet kryebashkiaku turk

9 Shtator 2022

Marrëdhëniet mes Turqisë dhe Greqisë vazhdojnë të jenë të tensionuara. Një deklaratë e pazakontë ka ardhur nga kryebashkiaku i Bolus Tanzu Ozcan, ku mbrojti idenë e një lufte me Greqinë , dhe u deklarua i gatshëm të bëhej kamikaz dhe të hidhej në erë mes ushtarëve grekë.

“ Nëse Erdogani është gati, edhe unë jam gati të bëhem kamikaz, të hedh veten në erë mes ushtarëve grekë”, tha kryebashkiaku, duke shkaktuar reagime edhe nga qytetarët turq.

Kryebashkiaku turk i bëri thirrje Erdoganit t’i japë Greqisë 24 orë për t’u larguar nga ishujt. “Nëse nuk tërhiqen, le të veshin uniformat e tyre ushtarake” , deklaroi ai, duke e vendosur Athinën si “ shënjestrën e parë të ushtrisë ”. “Ai që nuk ndjek është frikacak!” ka shkruar ai në Twitter.